ആറന്മുള ഭഗവാന്റെ

ഓ...ഓ..ഓ..ഓ..
ആറന്മുള ഭഗവാന്റെ പൊന്നു കെട്ടിയ ചുണ്ടൻ വള്ളം
ആലോല മണിത്തിരയിൽ നടനമാടി
ആറ്റുവക്കിലുലഞ്ഞാടും കരിനീല മുളകളിൽ
കാറ്റു വന്നു തട്ടിയോണപ്പാട്ടൊന്നു പാടീ ( ആറന്മുള...)

ചിത്രവർണ്ണപ്പട്ടുടുത്തെൻ  ചിത്രലേഖ പാറി വന്നു (2)
ഉത്തൃട്ടാതി ഓണവെയിലിൽ കുളിച്ചു നിന്നു ഓ...ഓ...
കണ്മണി തൻ കടമിഴിത്തോണിയിലെ കന്യകളാം
കനവുകൾ ഇരയിമ്മൻ കുമ്മികൾ പാടി

പൂമനസ്സിൻ താലം തുള്ളിത്തുളുമ്പിയ നേരം തങ്കം (2)
പൂവരശ്ശിന്നില നുള്ളിയെറിഞ്ഞു നിന്നൂ ഓ..ഓ...
നിൻ വിരലിൻ മണം കവർന്നിളകുമായിലകളും
എന്റെ ദുഃഖ ഹൃദയവും തിര കവർന്നൂ (ആറന്മുള...)